రుద్రము - నమకము - అనువాకము 9

అనువాకము 9

1) నమ ఇరిణ్యాయచ ప్రపథ్యాయచ.

ఊషర క్షేత్రములం దుండునట్టియును, పది మంది నడుచు త్రోవలోనుండు నట్టి శివునకు నమస్కారము.

2) నమకిగ్ ం శిలాయచక్షయణాయచ.

కుత్సితములు అనగా క్షుద్రములగు శిలలు గల ప్రదేశముల నుండునట్టి, నివాస యోగ్య ప్రదేశమునం దుండునట్టి శివునకు నమస్కారము.

3) నమః కపర్దినేచ పులస్తయేచ.

జటా బంధము కలవాఁడును భక్తుల యెదుట నుండు నట్టి శివునకు నమస్కారము.

4) నమో గోష్ఠ్యాయచ గృహ్యాయచ.

గోశాలలో నుండునట్టియు, సామాన్య గృహములలో నుండునట్టి శివునకు నమస్కారము.

5) నమస్తల్ప్యాయచ గేహ్యాయచ.

తల్పము నందును మంచము పైని శయనించునట్టియును, ధనికుల ప్రాసాదమునం దుండు వాఁడు నగు శివునకు నమస్కారము.

6) నమః కాట్యాయచ గహ్వరేష్ఠాయచ.

కుత్సితముగా తిరుగువాఁడును, ముండ్లతో నిండిన లతాదులచే ప్రవేశింప నలవి కాని ప్రదేశమున నుండువాఁడును, విషయములైన గిరి గుహాదులలో నుండువాఁడునగు శివునకు నమస్కారము.

7) నమోహద్రయ్యాయచ నివేష్ప్యాయచ.

అగాధ జలములం దుండువాఁడును, నీహార జలమం దుండువాఁడునగు శివునకు నమస్కారము.

8) నమః పాగ్ ం సవ్యాయచ రజస్యాయచ.

పరమాణువులం దున్నట్టియును విస్పష్టమైన ధూళిలోనున్నట్టి శివునకు నమస్కారము.

9) నమః శ్శుష్క్యాయచ హరిత్యాయచ.

కాష్ఠములం దున్నట్టియును, తడిసిన దాని యందు క్రొత్త దాని యందున్నట్టి శివునకు నమస్కారము.

10) నమో లోప్యాయచో లప్యాయచ.

తృణాదికము లోపించు కఠిన ప్రదేశమున నున్నట్టియును, రెల్లు మొదలగు తృణములం దున్నట్టి శివునకు నమస్కారము.

11) నమ ఊర్వ్యాయచ సూర్మ్యాయచ.

భూమియందుండువాఁడును, చక్కని కెరటములు గల నదులయందుండు వాఁడునగు శివునకు నమస్కారము.

12) నమః పర్ణ్యాయచ పర్ణ్యశద్యాయచ.

ఆకులం దున్నట్టియును, ఎండుటాకుల మొత్తమునం దున్నట్టి శివునకు నమస్కారము.

13) నమో పగురమాణాయచాభిఘ్నతేచ.

సిద్ధము చేయబడిన ఆయుధములు కలవాఁడును, సంపూర్ణముగా సంహరించునట్టి శివునకు నమస్కారము.

14) నమాఖ్ఖితతేజ ప్రఖ్ఖితతేజ.

ఇంచుకంత దుఃఖము కలిగించునట్టియు, అత్యంత దుఃఖము కలిగించునట్టి శివునకు నమస్కారము.

15) నమో వఃకిరికేభ్యోదేవానాగ్ ం హృదయేభ్యః.

భక్తులకు ధనమును చిమ్మెడి ఉదారులగు రుద్రావతారులకును, సర్వ దేవ ప్రియుఁ డగుటచే సర్వ దేవతల హృదయమగు వారికి నమస్కారము.

16) నమో విక్షీణకేభ్యః

క్షీణించు వాని కంటే విపరీతములై ఎపుడునూ నశింపని శివ శక్తులకు నమస్కారము.

17) నమో విచిన్వత్కేభ్యః

అపేక్షించు అర్థమును సంపాదించి యొసంగు శివునకు నమస్కారము.

18) నమ అనిర్హతేభ్యః.

సంపూర్ణముగా, నిశ్శేషముగా జీవుల యొక్క పాపములను, అచేతనము లందలి దోషములను, లోపములను, తొలగించు శివునకు నమస్కారము.

19) నమ అమీవత్కేభ్యః.

సంపూర్ణముగా స్థూల భావము పొంది దేవతలలో కల శివునకు నమస్కారము.

అనువాకము 9 సమాప్తము.