రుద్ర కవచము అర్థాలతో

దుర్వాస ఉవాచ

ప్రణమ్యామి శిరసా దేవం స్వయం భుం పరమేశ్వరం.

ఏకం సర్వ గతం దేవం సర్వ దేవ మయం విభుం.

తనకు తానుగా ఉద్భవించిన వాడును, అంతటను నిండి యున్న యేకైక దైవమును,

సకల దేవతా స్వరూపుడును, అగు పరమేశ్వరునకు శిరసు వంచి నమస్కరింతును.

రుద్ర వర్మ ప్రవక్షామి అంగ ప్రాణస్య రక్షయే.

అహో రాత్ర మయం దేవం రక్షార్థం నిర్మితం పురా.

అంగ ప్రాణముల రక్షణ కొఱకు రుద్ర కవచమును - అహో ర్త మయుడైన ఆ దేవ దేవుని చేత రక్షణ కొఱకు అతి పురాతన కాలములోనిర్మింప బడిన రుద్ర కవచమును అంగ ప్రాణ రక్షణ కొఱకు చెప్పు చున్నాను.

రుద్రో మే చాగ్రతః పాతు ముఖం పాతు మహేశ్వరః

శిరో మే యీశ్వరః పాతు లలాటం నీలలోహితః

రుద్రుడు ముందు నన్ను రక్షించు గాక. నా ముఖమును మహేశ్వరుడు రక్షించు గాక. నా శిరమును ఈశ్వరుడు రక్షించు గాక. నా లలాటమును నీలలోహితుడు రక్షించు గాక.

నేత్రయోస్త్రయంబకః పాతు ముఖం పాతు మహేశ్వరః

కర్ణయోః పాతుమే శంభుర్నాసికాయాం సదాశివః.

నా నేత్రములను త్ర్యంబకుడు రక్షించు గాక. నా ముఖమును మహేశ్వరుడు రక్షించు గాక.

నా చెవులను శంభుడు రక్షించు గాక. నా ముక్కును సదా శివుడు రక్షించు గాక.

వాగీశః పాతు మే జిహ్వా మోష్ఠా పాతంబికాపతిః

శ్రీ కంఠః పాతు మే గ్రీవాం బాహూంశ్చైవ పినాక ధృత్.

నా నాలుకను వాగీశుడు రక్షించు గాక. నా పెదవులను అంబికా పతి రక్షించు గాక.

నా కంఠమును శ్రీ కంఠుడు రక్షించు గాక. నా బాహువులను పినాక ధారి రక్షించు గాక.

హృదయం మే మహా దేవ ఈశ్వరో వ్యాత్ స్తనాంతరం

నాభిం కటిం స వక్షశ్చ పాతుస్ఛర్వ ఉమాపతిః

నా హృదయమును మహా దేవుడు రక్షించు గాక. నా స్తనాంతరమును ఈశ్వరుడు రక్షించు గాక.

నా నాభిని, కటిని, వాటితో పాటు వక్ష స్తలమును ఉమా పతి రక్షించు గాక.

బాహు మధ్యాంతరంచైవ సూక్ష్మ రూపస్సదా శివః

సర్వం రక్షతు సర్వేశో గాత్రానిచ యధా క్రమం

బాహు మధ్యాంతరమును కూడా సూక్ష్మ రూపి యైన సదా శివుడు రక్షించు గాక.

నా శరీరమును యధా క్రమముగా అన్నిటినీ సర్వేశ్వరుడు రక్షించు గాక.

వజ్ర శక్తి ధరంచైవ పాశాంకుశధరం తధా.

గండ శూల ధరం నిత్యం రక్షతు త్రి దశేశ్వరః

వజ్ర శక్తిని ధరించిన వాడును, పాశమును అంకుశమును ధరించిన వాడును

గండ శూల ధారియు నగు త్రిదశేశ్వరుడు నన్ను నిత్యము రక్షించు గాక.

ప్రస్థానేషు పదే చైవ వృక్షమూలే నదీ తటే

సంధ్యాయాం రాజ భవనే విరూపాక్షస్తు పాతు మాం.

ప్రయాణముల యందును, మార్గముల యందును, వృక్ష మూలమునందు, నదీ తటముల యందు, సంధ్యా సమయము లందు, రాజ భవనముల యందు, నన్నా విరూపాక్షుడు రక్షించు గాక.

శీతోష్ణాదధ కాలేషు తుహిన ధ్రుమ కంటకే

నిర్మానుష్యే సమే మార్గే త్రాహి మాం వృషభ ధ్వజ.

సీతా కాలమునందు, వేసవి కాలము నందు, మంచునందు, వృక్ష కంటకములయందు,

నిర్మానుష్య ప్రదేశములయందు,సమ మార్గమునందు, వృషభ ధ్వజుడు నన్ను రక్షించు గాక.

ఇత్యేతద్రుద్ర కవచం పవిత్రం పాప నాశనం

మహాదేవ ప్రసాదేవ దుర్వాసో ముని కల్పితం.

అను యీ విధమైనటువంటి రుద్ర కవచము పవిత్రమైనదియు, పాప నాశనమును కూడ.

ఆ మహా దేవుని ప్రసాదము చేత దుర్వాస మునిచే కల్పింప బడినది.

మమాఖ్యాతం సమాసేన స భయం విందతే క్వచిత్.

ప్రాప్నోతి పరమారోగ్యం పుణ్యమాయుష్య వర్ధనం

నా చేత సంక్షిప్తముగా చెప్ప బడిన దీనిని భయ భక్తులతో యెవరు వింటారో

పరమ ఆరోగ్యము పొందుతారు.పుణ్యము, ఆయుర్దాయము, పెరుగును.

విద్యార్థీ లభతే విద్యా ధనార్థీ లభతే ధనం.

కన్యార్థీ లభతే కన్యాం స భయం విందతే క్వచిత్.

విద్య కోరు వారికి విద్య లభించును. ధనము నాశించు వారికి ధనము లభించును.

కన్య నాశించు వారికి కన్య లభించును.భయ రహితులై యుందురు.

అపుత్రో లభతే పుత్రం మోక్షార్థీ మోక్షమాప్నుయాత్

త్రాహి త్రాహి మహా దేవ త్రాహి త్రాహి త్రయీ మయ.

సంతానము లేని వారికి సంతానము కలుగును. మోక్షము కోరు వారికి మోక్షము లభించును.

రక్షించు మహాదేవా రక్షించు. రక్షించు త్రయీమయా రక్షించు.

త్రాహి మాం పార్వతీ నాథ త్రాహి మాం త్రిపురాంతక

పాశం ఖట్వాంగ దివ్యాస్త్రం త్రి శూలం రుద్రమేవచ.

ఓ పార్వతీ పతీ! నన్ను రక్షించుము. ఓ త్రిపురాంతకా! నన్ను రక్షించుము.

పాశము, ఖట్వాంగ దివ్యాస్త్రము, త్రిశూలము ధరించిన రుద్రునకు నమస్కరింతును.

నమస్కరోమి దేవేశ త్రాహి మాం జగదీశ్వర

శత్రు మధ్యే సభా మధ్యే గ్రామ మధ్యే గృహాంతరే.

దేవేశా! నమస్కరిస్తున్నాను. ఓ జగదీశ్వరా! శత్రు మధ్యమున, సభా మధ్యమున, గ్రామ మధ్యమున, గృహాంతరమున, నన్ను రక్షించుము.

గమనాగమనేచైవ త్రాహి మాం భక్త వత్సల

త్వం చిత్తం త్వం మానసంచ త్వం బుద్ధిస్త్వం పరాయణం.

ఓ భక్త వత్సలా! ప్రయాణ సమయములలో వెళ్ళి వచ్చే సమయములందు నన్ను కాపాడుము.

నీవే చిత్తము, నీవే మనస్సు, నీవే బుద్ధి. సర్వము నిన్నే పరాయణుడిగా కలవాడను.

కర్మణా మనసాచైవ త్వం బుద్ధిశ్చ యధా సదా

జ్వర భయం ఛింది సర్వ జ్వర భయం ఛింది గ్రహ భయం.

కర్మ చేత, మనసు చేత, బుద్ధి చేత ఎల్లప్పుడూ నాకు నీవే సుమా.

జ్వరభయము నశించు గాక, సమస్త జ్వర భయము నశించు గాక. గ్రహ భయము నశించు గాక.

ఛింది సర్వ శత్రూన్నివత్యాపి సర్వ వ్యాధి నివారణం.

అస్య రుద్ర లోకం గచ్ఛతి శ్రీ రుద్ర లోకం స గచ్ఛతి.

నమస్త శత్రువులను నశింపఁ బడును సమస్త వ్యాధులు నివారింపఁ బడును.

ఇది పఠించిన వారు రుద్రలోకమును చేరుదురు. అట్టి వారు తప్పక రుద్ర లోకమును చేరుదురు.

ఓం నమః ఇతి