హనుమత్ స్తవః

గోష్పదీకృత వారాశిం మశకీకృత రాక్షసమ్,

రామాయణమహామాలా రత్నం వందే నిలాత్మజమ్.

అంజనానందనం వీరం జానకీ శోకనాశనమ్,

కపీశ మక్షహంతారం వందే లంకాభయంకరమ్.

కబళీకృతమార్తాండం గోష్పదీకృత సాగరమ్,

తణీకృత దశగ్రీవం ఆంజనేయం నమామ్యహమ్.

ఉల్లంఘ్య సింధో స్సలిలం సలీలం,

యః శోకవహ్నిం జనకాత్మజాయాః

ఆదాయ తేనైవ దదాహ లంకాం

నమామి తం ప్రాంజలి రాంజనేయమ్.

ఆంజనేయ మతిపాటలాననం

కాంచనాద్రి కమనీయ విగ్రహమ్,

పారిజాత తరుమూల వాసినం

భావయామి పవమాన నందనమ్.

యత్ర యత్ర రఘునాథ కీర్తనం

తత్ర తత్ర కృత మస్తకాంజలిమ్,

బాష్పవారి పరిపూర్ణలోచనం

మారుతిం నమత రాక్షసాంతకమ్.

మనోజవం మారుతతుల్యవేగం

జితేంద్రియం బుద్ధిమతాం వరిష్ఠమ్,

వాతాత్మజం వానరయూథముఖ్యం

శ్రీరామదూతం శిరసా నమామి.

త్వమస్మిన్ కార్యనిర్యోగే ప్రమాణం హరిసత్తమ,

హనుమన్ యత్న మాస్థాయ దుఃఖక్షయకరో భవ.

శ్రీ జానకీశోకహర్తా హరి మర్కట మర్కటః,

లక్ష్మణప్రాణదాతా చ పాయాన్మాం రామకింకరః.

బుద్ధిర్బలం యశో ధైర్యం నిర్బయత్వ మరోగతా,

అజాడ్యం వాక్పటుత్వం చ హనుమత్స్మరణాత్ భవేత్.

దూరీకృత సీతార్తిః

ప్రకటీకృత రామవైభవస్ఫూర్తిః,

దారిత దశముఖకీర్తిః

పురతోమమ భాతుః హనుమతో మూర్తిః

ఇతి శ్రీ హనుమత్ స్తవః