కాలబైరవాష్టకం
దేవరాజ సేవ్యమాన పావనాఙ్ఘ్రి
పఙ్కజం
వ్యాళయఙ్ఞ సూత్రమిన్దు
శేఖరం కృపాకరమ్ |
నారదాది యోగిబృన్ద వన్దితం
దిగమ్బరం
కాశికాపురాధినాథ కాలభైరవం
భజే || 1 ||
భానుకోటి భాస్వరం
భవబ్ధితారకం పరం
నీలకణ్ఠ మీప్సితార్ధ దాయకం
త్రిలోచనమ్ |
కాలకాల మమ్బుజాక్ష
మస్తశూన్య మక్షరం
కాశికాపురాధినాథ కాలభైరవం భజే
|| 2 ||
శూలటఙ్క పాశదణ్డ పాణిమాది
కారణం
శ్యామకాయ మాదిదేవ మక్షరం
నిరామయమ్ |
భీమవిక్రమం ప్రభుం విచిత్ర
తాణ్డవ ప్రియం
కాశికాపురాధినాథ కాలభైరవం
భజే || 3 ||
భుక్తి ముక్తి దాయకం
ప్రశస్తచారు విగ్రహం
భక్తవత్సలం స్థితం సమస్తలోక
విగ్రహమ్ |
నిక్వణన్-మనోఙ్ఞ హేమ
కిఙ్కిణీ లసత్కటిం
కాశికాపురాధినాథ కాలభైరవం
భజే || 4 ||
ధర్మసేతు పాలకం
త్వధర్మమార్గ నాశకం
కర్మపాశ మోచకం సుశర్మ దాయకం
విభుమ్ |
స్వర్ణవర్ణ కేశపాశ
శొభితాఙ్గ నిర్మలం
కాశికాపురాధినాథ కాలభైరవం
భజే || 5 ||
రత్న పాదుకా ప్రభాభిరామ
పాదయుగ్మకం
నిత్య మద్వితీయ మిష్ట దైవతం
నిరఞ్జనమ్ |
మృత్యుదర్ప నాశనం
కరాళదంష్ట్ర భూషణం
కాశికాపురాధినాథ కాలభైరవం
భజే || 6 ||
అట్టహాస భిన్న పద్మజాణ్డకోశ
సన్తతిం
దృష్టిపాత నష్టపాప జాలముగ్ర
శాసనమ్ |
అష్టసిద్ధి దాయకం
కపాలమాలికా ధరం
కాశికాపురాధినాథ కాలభైరవం
భజే || 7 ||
భూతసఙ్ఘ నాయకం విశాలకీర్తి
దాయకం
కాశివాసి లోక పుణ్యపాప
శోధకం విభుమ్ |
నీతిమార్గ కోవిదం పురాతనం
జగత్పతిం
కాశికాపురాధినాథ కాలభైరవం
భజే || 8 ||
కాలభైరవాష్టకం పఠన్తి యే
మనోహరం
ఙ్ఞానముక్తి సాధకం విచిత్ర
పుణ్య వర్ధనమ్ |
శోకమోహ లోభదైన్య కోపతాప
నాశనం
తే ప్రయాన్తి కాలభైరవాఙ్ఘ్రి
సన్నిధిం ధ్రువమ్ || 9 ||