తులసీ స్తోత్రమ్

జగద్ధాత్రి నమస్తుభ్యం విష్ణోశ్చ ప్రియవల్లభే

యతో బ్రహ్మాదయో దేవా: సృష్టి స్థిత్యన్తకారిణః II 

నమస్తులసి కళ్యాణి నమో విశ్నుప్రియే శుభే

నమో మోక్షప్రదే దేవి నమః సమ్పత్ర్పదాయికేII 

తులసీపాతుమాం నిత్యం సర్వాపద్భ్యోపి సర్వదా

కీర్తి తావా స్మ్రతా వాపి పవిత్రయతి మానవంII 

నమామి శిరసాదేవీం తులసీం విలసత్తనుం

యాం దృష్ట్యా పాపినోమర్త్యా: ముచ్యన్తే సర్వకిల్భిషాత్II 

తులస్యా రక్షితం సర్వం జగదేతచ్చరాచరమ్

యా వినిర్హన్తి పాపాని దృష్ట్వావా పాపిభిర్న రైఃII 

నమస్తులస్యతితరాం యస్యై బద్ధ్వాంజలిం కలౌ

కలయన్తిసుఖం సర్వం స్త్రియో వైశ్యాస్తథాపరేII 

తులస్యానాపరంకించిత్ దైవతం జగతీతలే

యయాపవిత్రతో లోకో విష్ణుసంగేన వైష్ణవఃII 

తులస్యాః పల్లవం విష్ణోః శిరస్యారోపితం కలౌ

ఆరోపయతి సర్వాణి శ్రేయంసి వరమస్తకేII 

తులస్యాం సకలా దేవా వసన్తి సతతం యతః,

అతస్తా మర్చయేల్లోకే సర్వాన్ దేవాన్ సమర్చయన్II 

నమస్తులసి సర్వజ్ఞే పురుషొత్తమ వల్లభే,

పాహిమాం సర్వపాపేభ్యః సర్వసంపత్ ప్రదాయికేII 

ఇతిస్తోత్రం పురాగీతం పుండరీకేణ ధీమతా

విష్ణుమర్చయతానిత్యం శోభనైస్తులసీదలైఃII 

తులసీ శ్రీమహలక్ష్మీర్విద్యా విద్యా యశస్వినీ

ధర్మా ధర్మాననా దేవీ దేవ దేవమనఃప్రియాII 

లక్ష్మీప్రియసఖీ దేవీ ద్యౌర్భూమి రచలా చలా

షొడశైతాని నామాని తులస్యాః కీర్తయన్నరఃII 

లభతే సుతరాం భక్తి మన్తే విష్ణుపదం లభేత్

తులసీ భూర్మహలక్ష్మీః పద్మినీ శ్రీర్హరిప్రియాII 

తులసి శ్రీసఖి శుభే పాపహారిణి పుణ్యదే

నమస్తే నారదనుతే నారాయణ మనఃప్రియేII 

 నారాయణ మనః ప్రియే ఇతి శ్రీ పుండరీక కృతం తులసీస్తోత్రమ్II