నారాయణ స్తోత్రం

రచన: ఆది శఙ్కరాచార్య

నారాయణ నారాయణ జయ గోవిన్ద హరే ||

నారాయణ నారాయణ జయ గోపాల హరే ||

కరుణాపారావార వరుణాలయగమ్భీర నారాయణ || 1 ||

ఘననీరదసఙ్కాశ కృతకలికల్మషనాశన నారాయణ || 2 ||

యమునాతీరవిహార ధృతకౌస్తుభమణిహార నారాయణ || 3 ||

పీతామ్బరపరిధాన సురకళ్యాణనిధాన నారాయణ || 4 ||

మఞ్జులగుఞ్జాభూష మాయామానుషవేష నారాయణ || 5 ||

రాధాధరమధురసిక రజనీకరకులతిలక నారాయణ || 6 ||

మురళీగానవినోద వేదస్తుతభూపాద నారాయణ || 7 ||

బర్హినిబర్హాపీడ నటనాటకఫణిక్రీడ నారాయణ || 8 ||

వారిజభూషాభరణ రాజీవరుక్మిణీరమణ నారాయణ || 9 ||

జలరుహదళనిభనేత్ర జగదారమ్భకసూత్ర నారాయణ || 10 ||

పాతకరజనీసంహార కరుణాలయ మాముద్ధర నారాయణ || 1 ||

అఘ బకహయకంసారే కేశవ కృష్ణ మురారే నారాయణ || 12 ||

హాటకనిభపీతామ్బర అభయం కురు మే మావర నారాయణ || 13 ||

దశరథరాజకుమార దానవమదసంహార నారాయణ || 14 ||

గోవర్ధనగిరి రమణ గోపీమానసహరణ నారాయణ || 15 ||

సరయుతీరవిహార సజ్జన‌ఋషిమన్దార నారాయణ || 16 ||

విశ్వామిత్రమఖత్ర వివిధవరానుచరిత్ర నారాయణ || 17 ||

ధ్వజవజ్రాఙ్కుశపాద ధరణీసుతసహమోద నారాయణ || 18 ||

జనకసుతాప్రతిపాల జయ జయ సంస్మృతిలీల నారాయణ || 19 ||

దశరథవాగ్ధృతిభార దణ్డక వనసఞ్చార నారాయణ || 20 ||

ముష్టికచాణూరసంహార మునిమానసవిహార నారాయణ || 21 ||

వాలివినిగ్రహశౌర్య వరసుగ్రీవహితార్య నారాయణ || 22 ||

మాం మురళీకర ధీవర పాలయ పాలయ శ్రీధర నారాయణ || 23 ||

జలనిధి బన్ధన ధీర రావణకణ్ఠవిదార నారాయణ || 24 ||

తాటకమర్దన రామ నటగుణవివిధ సురామ నారాయణ || 25 ||

గౌతమపత్నీపూజన కరుణాఘనావలోకన నారాయణ || 26 ||

సమ్భ్రమసీతాహార సాకేతపురవిహార నారాయణ || 27 ||

అచలోద్ధృతచఞ్చత్కర భక్తానుగ్రహతత్పర నారాయణ || 28 ||

నైగమగానవినోద రక్షిత సుప్రహ్లాద నారాయణ || 29 ||

భారత యతవరశఙ్కర నామామృతమఖిలాన్తర నారాయణ || 30 ||