శ్రీ ఆర్యాద్విశతి - 10వ (చివరి) భాగము

II భగవాన్ క్రోధభట్టారక విరచిత శ్రీ ఆర్యాద్విశతి – 10వ (చివరి) భాగము II (శ్రీ లలితాస్తవరత్నమ్)

ఆసితకచ మాయతాక్షం

కుసుమశరం కూల ముద్వహకృపార్ద్రమ్ I

ఆదిమ రసాధిదైవత

మన్తః కలయే హరాఙ్కవాసి మహః II 181 II

కర్ణోపాన్త తరఙ్గిత

కటాక్ష నిష్యన్ది కర్ణదఘ్న కృపామ్ I

కామేశ్వరాఙ్క నిలయాం

కామపి విద్యాం పురాతనీం కలయే II 182 II

అరవిన్ద కాన్త్యరున్తుద

విలోచన ద్వన్ద్వ సున్దర ముఖేన్దుం I

ఛన్దఃకన్దళ మన్దిర

మన్తఃపుర మైన్దుశేఖరం వన్దే II 183 II

బిమ్బ నికురమ్బ డమ్బర

విడమ్బక చ్ఛాయ మమ్బర వలగ్నమ్ I

కమ్బుగళ మమ్బుద కచం

బిబ్బోకం కమపి చుమ్బతు మనోమే II 184 II

శమ్పారుచి చిర గర్హా

సమ్పాదకాన్తి కవచిత దిగ న్తమ్ I

సిద్ధాన్తం నిగమానాం

శుద్ధా న్తం కమపి శూలినః కలయే II 185 II

ఉద్యద్దిన కరశోణా

నుత్పల బన్ధు స్తనన్ధయా పీడాన్ I

కరకలిత పుణ్డ్ర చాపాన్

కలయేకానపి కపర్దినః ప్రాణాన్ II 186 II

రశనా లసజ్జఘనయా

రసనా జీవాతు చాప భాసురయా I

ఘ్రాణాయుష్కర శరయా

ఘ్రాతం చిత్తం కయాపి వాసనయా II 187 II

సరసిజ సహయుధ్వ దృశా

శమ్పాలతికా సనాభి విగ్రహయా I

భాసా కయాపి చేతో

నాసామణి శోభి వదనయా భరితమ్ II 188 II

నవ యావక భాసి

శయాన్వితయా గజయానయా దయావరయా I

ధృత యామినీశ కలయా

ధియా కయాపి క్షతామయా హి వయమ్ II 189 II

అలమల మకుసుమ బాణై

రబిమ్బశోణై రపుణ్డ్ర కోదణ్డైః I

అకుముద బాన్ధవ చూడై

రన్తైరిహ జగతి దైవతం మన్యైః II 190 II

కువలయ సదృక్ష నయనైః

కులగిరి కూటస్థ బన్ధు కుచభారైః I

కరుణాస్యన్ది కటాక్షైః

కవచిత చిత్తోఽస్మి కతిపయైః కుతుకైః II 191 II

నతజన సులభాయ నమో

నాళీక సనాభిలోచనాయ నమః I

నన్దిత గిరిశాయ నమో

మహసే నవనీప పాటలాయ నమః II 192 II

కాదమ్బ కుసుమ దామ్నే

కాయాచ్ఛాయా కణాయితార్యమ్ణే I

సీమ్నే చిర న్తనగిరాం

భూమ్నే కస్మైచిదాదదే ప్రణతిమ్ II 193 II

కుటిల కబరీ భరేభ్యః

కుఙ్కుమ సబ్రహ్మచారి కిరణేభ్యః I

కూలఙ్కష స్తనేభ్యః

కుర్మః ప్రణతిం కులాద్రి కుతుకేభ్యః II 194 II

కోకనద శోణవసనాత్

కోమల చికురాళి విజిత శైవలాత్ I

ఉత్పల సగన్ధి నయనా

దూరీకుర్మోన దేవతా మన్యామ్ II 195 II

ఆపాటలాధరాణా

మానీల స్నిగ్ధ బర్బర కచానామ్ I

ఆమ్నాయ జీవనానా

మాకూతానాం హరస్య దాసోఽస్మి II 196 II

పుఙ్ఖిత విలాస హాస

స్ఫురితాను పురాహితాఙ్క నిలయాసు I

మగ్నం మనో మదీయం
కాస్వపి కామారి జీవనాడీషు II 197 II