శ్రీ అచ్యుతాష్టకము

అచ్యుతం కేశవం రామనారాయణం కృష్ణదామోదరం వాసుదేవం హరిం

శ్రీధరం మాధవం గోపికావల్లభం జానకీనాయకం రామచంద్రం భజే 1

అచ్యుతం కేశవం సత్యభామాధవం మాధవం శ్రీధరం రాధికారాధితం

ఇందిరామందిరం చేతసా సుందరం దేవకీనందనం నందజం సందధే 2

విష్ణవే జిష్ణవే శంఖినే చక్రిణే రుక్మిణీరాగిణే జానకీజానయే

వల్లవీ వల్లభాయార్చితాయాత్మనే కంసవిధ్వంసినే వంశినే తే నమః 3

కృష్ణ గోవింద హే రామనారాయణ శ్రీపతే వాసుదేవాజిత శ్రీనిధే

అచ్యుతానంత హే మాధవాధోక్షజ ద్వారకానాయక ద్రౌపదీరక్షక 4

రాక్షసక్షోభితః సీతయాశోభితో దండకారణ్యభూపుణ్యతా కారణః

లక్ష్మనేనాన్వితో వానరైః సేవితో గస్త్యసంపూజితో రాఘవః పాతు మాం 5

ధేనుకారిష్టకానిష్టకృద్ద్వేషిణాం కేశిహా కంసహృద్వంశికావాదకః

పూతనాకోపకః సూరజాఖేలనో బాలగోపాలకః పాతు మాం సర్వదా 6

విద్యుదుద్యోతవత్ ప్రస్ఫురద్వాససం ప్రావృడంభోదవత్ ప్రోల్లసద్విగ్రహం

వన్యయా మాలయా శోభితోరస్థలం లోహితాంఘ్రిద్వయం వారిజాక్షం భజే 7

కుంచితైః కుంతలైర్బ్రాజమానాననం రత్నమౌలిం లసత్కుండలం గండయోః

హారకేయూరకం కంకణప్రోజ్జ్వలం కింకిణీమంజులం శ్యామలం తం భజే 8

అచ్యుతస్యాష్టకం యః పఠేదిష్టదం ప్రేమతః ప్రత్యహం పూరుషః సస్పృహం

వృత్తతః సుందరం కర్తృవిశ్వంభరం తస్య వశ్యో హరిర్జాయతే సత్వరం 9

// ఇతి శ్రీఅచ్యుతాష్టకం సంపూర్ణం \\